சென்னை: தல, தளபதி இந்த இருவரில் யாரை பிடிக்கும் என்று சூர்யாவிடம் கேட்டதற்கு அவர் தனக்கு பிரச்சனை வராத பதிலை அளித்துள்ளார்.
ஹரி இயக்கத்தில் சூர்யா, அனுஷ்கா, ஹன்சிகா, சந்தானம் நடித்துள்ள சிங்கம் 2 வெற்றிகரமாக ஓடிக் கொண்டிருக்கிறது. படத்தை பார்ப்பவர்கள் அனைவரும் சூர்யா படத்தை தன் தோளில் தாங்குகிறார் என்று தெரிவித்துள்ளனர்.
ஊடகங்களும் சூர்யாவின் நடிப்பை வெகுவாக பாராட்டியுள்ளன. இந்நிலையில் சூர்யா கல்லூரி மாணவிகளுடன் கலந்துரையாடும் நிகழ்ச்சிக்கு டிவி சேனல் ஒன்று ஏற்பாடு செய்திருந்தது. அந்த நிகழ்ச்சிக்கு ஹரியுடன் வந்த சூர்யாவிடம் மாணவிகள் பல்வேறு கேள்விகன் கேட்டனர்.
மாதவன்
இந்தி படமான தோஸ்தானாவை தமிழில் ரீமேக் செய்தால் அதில் யாருடன் சேர்ந்து நடிக்க விரும்புகிறீர்கள் என்று கேட்டதற்கு, சூர்யா சட்டென்று மாதவன் பெயரை தெரிவித்தார்.
தல-தளபதி தல,
தளபதி ஆகியோரில் உங்களுக்கு யாரைப் பிடிக்கும் என்று மாணவிகள் கேட்க, வம்பே வேண்டாம் என்று நினைத்த சூர்யா இருவரையும் பிடிக்கும் என்று கூறி நைசாக நழுவிவிட்டார்.
அடுத்த படங்கள்
சூர்யா கௌதம் மேனன் இயக்கத்தில் துருவ நட்சத்திரம் படத்திலும், லிங்குசாமியின் படத்திலும் நடிக்கிறார். இதில் துருவ நட்சத்திரம் படத்திற்கு நாயகி தேர்வு ஜவ்வாக இழுத்துக் கொண்டிருக்கிறது என்பது குறிப்பிடத்தக்கது.
No comments:
Post a Comment